Galicia Ártabra Digital Noticias de Ferrol y la comarca de Ferrolterra.
Este domingo, día 26, Moeche acolle a Feira do Queixo, unha segunda edición que reafirma a súa aposta polo queixo artesán de calidade, pola poteciación dun produto propio do municipio, o Queixo de Moeche, así como dun xeito moi especial nesta edición polos novos valores galegos e os mestres queixeiros, co fin de consolidarse como cita anual no ámbito da produción do queixo.
Esta nova edición conta cun notable aumento de produtores de queixo respecto ao da ano anterior así como de novidades que se irán avanzando nos próximos días. Un total de 28 produtores, 21 de queixo, 4 de pan e 3 de mel confirmaron a súa presenza na nave do recinto feiral para ofrecer os mellores queixos, queixo graso, fresco, tetilla, curado, semicurado, azul, etc, queixos de Moeche, a comarca, Cuntis, de Castela, do Caurel, de Arzúa, produtores de queixo de León , de Suiza, Italia e Francia,etc. acompañados de produtores de mel de Galicia e de pan e doces artesáns.
A partir das 10.00 da mañá a feira abrirá as súas portas ata as 17.00 horas. Celebraranse degustacións e presentacións das máis recentes novidades na produción de queixo no noso país.
A xornada acollerá a actuación do grupo de música tradicional Encrucillada, e ao longo do día desenvolveranse varios obradoiros infantís de mañá e tarde para entretemento dos máis novos.e rematará a xornada co espectáculo do Mago Charlangas.
Está convocado o Concurso de receitas de queixo , con dúas modalidades, receitas salgadas e doces, que se deberán presentar o mesmo día 26 antes das 11.30.
O Concello solicitou de novo aos establecementos hosteleiros a súa implicación ofrecendo ese día pinchos elaborados a base de queixo de Moeche. Así mesmo, desde o Concello comunica que funcionará coa colabouración de FEVE do Tren do Queixo, uha oferta que tivo unha excelenete acollida na pasada edición.
