A II Ruta Cicloturista reúne preto de 250 kgs de alimentos para o Banco de Cabanas

Instante da ruta – Concello de Cabanas

Éxito de participación na segunda edición da Ruta Cicloturista Concello de Cabanas celebrada o pasado sábado. A Concellería de Deportes informou de que preto dun centenar de veciños e visitantes, pequenos e maiores, tomaron parte na marcha, fronte ós algo máis de 60 rexistrados na primeira edición. Unha evolución que consolida a iniciativa no calendario deportivo local. Así mesmo, dende o Concello destácase o carácter solidario da ruta xa que, por segundo ano consecutivo, no lugar de cota de inscrición solicitouse a entrega de alimentos para o Banco local. En total, reuníronse uns 250 quilogramos.

A marcha estivo organizada polo Concello, en colaboración coa SCRYD San Mamede de Laraxe e a AVV de Santa Cruz. Con punto de partida e saída no local da primeira entidade, contou con dous percorridos adaptados ás idades de 19 kms e 2,5 kms.

Así mesmo, ó remate da ruta os participantes máis novos participaron nunha xincana no local da SCRYD San Mamede, pensada especialmente para o disfrute dos máis pequenos, que recibiron unha medalla en caso de completala.

Lea también

Narón acolle o “XXIII Trofeo de Baile Deportivo Cidade de Narón” e o “Campionato Galego de Standard”

O concelleiro de Deportes, Ibán Santalla, e o presidente do Club de Baile Deportivo Narón, …