Top-5 para Melina Alonso na Copa continental de Agadir

Sorte dispar para as irmás Alonso do Triatlón Ferrol. Mentres Camila tiña que abandonar ao atoparse sen forzas na bici, Melina aguantou para correr e cruzar a meta en quinto lugar.

Asinando unha boa natación, Melina Alonso colocouse no grupo de cabeza ata que dúas triatletas lideraron unha escapada. A internacional do Triatlón Ferrol soubo xestionar as forzas e na carreira a pé puido superar unha delas e conseguir, como a cuarta mellor do seu pelotón, a quinta posición final coa que dá por rematada a temporada.
No caso de Camila Alonso, a próxima semana viaxará a Santo Domingo, onde tamén defenderá título antes de finalizar as competicións de 2017.