O gran circo ximnástico este venres no Pavillón do Ramo

Ao redor dun cento de ximnastas tomarán parte este venres, 22 de decembro, nun novo Festival de Nadal do Club Ximnasia Artística Ferrolterra. O evento comezará ás 19.00 horas nas instalacións do pavillón do Ramo (Barallobre). Entrada libre.

Este ano o Festival de Nadal do Club Ximnasia Artística Ferrolterra terá unha temática circense. No devir do espectáculo – que terá unha duración aproximada de dúas horas- o alumnado ofrecerá unha demostración do traballo que realiza a diario durante os adestramentos. Así, haberá exhibicións de chan, barra, paralelas e salto.