Fene regresou á elite do cross por equipos

Os atletas feneses na proba – Clube Atletismo Fene

Eran os anos oitenta cando dous clubes de atletismo, o Unidade de Fene e o Puxanza, loitaban pola hexemonía do atletismo fenés para rematar desembocando na fundación do clube Ría de Ferrol, deixando así orfa, en canto a clubes de atletismo se refire, a nosa vila astaneira.

Tivo que ser o domingo, 28 de xaneiro de 2.018, no circuíto de O Aguillón pertencente ao concello de A Rúa, onde se deron cita os mellores clubes de Galicia no Campionato de Cross Curto por equipos. Entre eles estaba o Clube Atletismo Fene, representado no día de onte por sete atletas.

Así, na proba feminina Melina Alonso participou de forma individual e acadou o undécimo posto cun tempo de 15:05. Na proba masculina, o clube participou como equipo acadando os compoñentes os seguintes resultados: Javi Prieto (12:46, posto 33), Alexandre García (14:30, posto 92), Víctor Sabín (14:32, posto 94), Esteban Rodríguez (15:07, posto 108), Antonio Rodríguez (15:36, posto 117) e Samuel Ramírez (16:04, posto 125). Como equipo, tras sumarse os postos dos catro mellores clasificados, o Clube Atletismo Fene obtivo a decimoterceira praza sobre un total de dezanove equipos participantes.

Ambas probas se desenvolveron nun circuíto de 3.900 metros de terra e herba, ubicado nun entorno dunha beleza incuestionable a carón do encoro de San Martiño.

Este domingo, de novo campionato en Ribadavia

A vila ourensá acollerá a outra modalidade do Campionato de Galicia de cross, o de 9.000 metros. Dista volta o clube sacará toda a súa artillería, reaparecendo de novo Brais Canosa, Iván Puentes e Juan Rejas tras a súa sobranceira actuación no Cross Internacional de Elgoibar. Ademáis se lles unirán Marcos Ruíz, Javi Prieto, Alexandre García e Fernando Garea.

Competirán como equipo en categoría senior Brais Canosa, Javi Prieto, Alexandre García e Fernando Garea. O resto o fará en categoría junior. A todos eles desexámoslle os mellores éxitos.

Lea también

Narón acolle o “XXIII Trofeo de Baile Deportivo Cidade de Narón” e o “Campionato Galego de Standard”

O concelleiro de Deportes, Ibán Santalla, e o presidente do Club de Baile Deportivo Narón, …