O Concello de Mugardos abre a inscripción para a súa II Travesía a Nado

A concelleira de Deportes de Mugardos informou de que está aberta a través da web www.prueba.t.es a inscrición na II Travesía a Nado “Concello de Mugardos”, que se desenvolverá o vindeiro día 22 de xullo, domingo, no marco das celebracións do Carme, na praia da Bestarruza. Os nadadores e nadadoras poderán recoller o seu chip a partir das 11.00 no areal, onde está previsto que se dea a saída ás 12.00 horas.

Haberá cinco categorías, masculinas e femininas: A, nados en 1987 e anos anteriores; B, nados de 1988 a 1988; C, nados de 1999 a 2004; D, de anos 2005 e posteriores, e unha categoría popular para tódalas idades, na que se poden empregar inchables ou outro material auxiliar.

A distancia será de 1.000 metros para as categorías A, B e C, e de 400 metros para a categoría D. Na popular, o percorrido será de 100 metros.

Haberá trofeos para os gañadores absolutos da travesía, masculino e feminino, así como tamén para a persoa participante máis xoven e a máis veterá. O Concello tamén entregará medallas aos tres primeros clasificados e clasificadas de cada categoría.

O prezo da inscrición na Travesía a Nado “Concello de Mugardos” será de 3 euros, pero as e os deportistas que se apunten tamén á de Ares pagarán 5 euros polas dúas, e recibirán cinco entradas para o Complexo Acuático do Castro.

Lea también

O Parrulo Ferrol va de menos a más ante CA Osasuna Magna en Copa del Rey

O Parrulo Ferrol ha transmitido, en líneas generales, buenas sensaciones ante CA Osasuna Magna, a …