Presentada no Concello a Iª Carreira Nocturna Cidade de Narón

Presentación da Carreira Noctura – Concello de Narón

O concelleiro de Deportes, Román Romero, acompañado polo presidente do Club Pasa ou Entorna, Manuel Fernández, así como dos vocais do mesmo, Xurxo Gómez e Roberto Barral, presentaron esta mañá a primeira edición da Carreira Nocturna Cidade de Narón que terá lugar este sábado, 18 de agosto, ás 21:30 horas con saída e chegada na Praza de Galicia.

A proba discorrerá por diversas rúas da zona urbana de Narón cun percorrido de 7 quilómetros. Román Romero salientou a importancia de que xurdan novas probas deportivas dentro do Concello o que indica a vitalidade do deporte naronés e agradeceu o labor levado acabo polo Club Pasa ou Entorna para sacar adiante este evento.

Pola súa parte, o presidente da entidade agradeceu a colaboración que dende o primeiro momento tiveron dende o Concello para poder poñer en marcha esta proba deportiva á que por suposto queren dar continuidade en vindeiro anos. Tamén salientou que a idea de facer a carreira nocturna foi unha iniciativa que lles pareceu interesante debido ao tempo no que estamos e ás temperaturas diurnas que nestas datas se poden alcanzar, ademais de ofrecer a corredores e espectadores unha tipo de carreira diferente.

No apartado de participantes, dende o Club indicaron que a día de hoxe hai inscritas máis de 240 persoas, e agardan sobrepasar as 300 antes de que remate o prazo de inscrición o vindeiro día 15 de agosto.

Os premios desta proba distribúense en ata 4 categorías nas súas modalidades masculina e feminina. Ademais haberá un premio ao club máis numeroso e un premio xeral de clubs.

Por último, o concelleiro de Deportes animou aos veciños e veciñas de Narón a desfrutar desta nova proba deportiva que terá lugar polas rúas da cidade.

Lea también

El Natación Ferrol finaliza en el segundo puesto en la segunda jornada de la liga de clubs

El Natación Ferrol tuvo una destacada actuación en la segunda jornada de la fase preliminar de …