Galicia Ártabra Digital Noticias de Ferrol y la comarca de Ferrolterra.
Esta fin de semana celebrouse o Trofeo Cidade de Ferrol de parapente precisión 2018. As seis mangas do campionato disputáronse na praia de Ponzos o domingo 9 de decembro, trala cancelación das mangas do sábado por meteoroloxía adversa.
Quince foron os pilotos de Galicia, Asturias e Castela e León que participaron nas mangas do torneo disputado en Cobas, e organizada polo Club Parapente Ferrol, coa colaboración do Concello de Ferrol.
Os participantes na proba despegaron entre as 10:00 e as 17:00 horas no despegue noroeste de Ponzos, facéndoo primeiramente no Monte Salgueiro, para facelo despois no despegue nordeste polo cambio de vento, enchendo de colorido o ceo nos aledaños da praia.
A diana de catro por catro metros estaba situada a un quilómetro e medio de distancia.
A proba estivo moi reñida durante as cinco primeiras mangas, nas que varios pilotos foron moi igualados, para posteriormente, a partir da sétima, pasar a destacar con moita marxe Salvador Crespo, gañador da proba.
Os ventos frouxos, de componente oeste pola mañá e norte nordeste pola tarde, fixeron que as condicións para a realización da competición, que xa se aprazara dúas veces, foran óptimas para que os pilotos puideran afinar a súa precisión e voar en total seguridade. Pola zona de aterraxe pasaron numerosas persoas durante as manobras e aterraxe para ver a habilidade dos pilotos á hora de dar na diana, na que hoxe houbo numerosos ceros a pesar da dificultade polo vento frouxo (aterrar nun círculo de menos dun metro cadrado).
Salvador Crespo foi o gañador en categoría monoplaza, seguido de Andrés Ferreira e Rubén Carballeira, mentras que en categoría biplaza o gañador foi Miguel González e o subcampión Marcos Galán.
