O Baloncesto Narón busca rachar a súa xeira de derrotas ante o Innova Chef de Zamora

Foto de familia do Baloncesto Narón na pasada tempada – Baloncesto Narón

O Baloncesto Narón disputa mañá –ás 18:30 horas no pavillón municipal da Gándara- un partido transcendental ante o Innova Chef zamorano, terceiro clasificado da conferencia AB de Liga EBA. O conxunto dirixido por Diego Fernández quere rachar a súa xeira de catro derrotas consecutivas gañando a un equipo que na primeira volta vencera por tres puntos (90-87) na súa cancha. Trátase dun enfrontamento vital para as aspiracións dos naroneses de alcanzar a permanencia, que nestes intres está a dúas vitorias.

A entrada a este partido é de balde, polo que a directiva do club naronés anima a todas e todos os afeccionados ao baloncesto da comarca a acudir para dar folgos aos xogadores locais. No tempo de lecer, os máis de 150 cativas e cativos do equipo de Narón sacarán a foto de familia.

Lea también

El Comarcal A Fervenza se lleva el II Trofeo Cidade de Narón al imponerse al Rodiles

El Comarcal A Fervenza ha confirmado sus buenas sensaciones en su segundo partido en menos …