Olaia Ledo pide o voto para o BNG para “iniciar a transformación que precisa Narón”

A candidata do BNG á Alcaldía de Narón, Olaia Ledo, animou na tarde deste xoves á veciñanza do concello a “confiar na nosa organización o vindeiro 26 de maio para acometer a transformación que Narón precisa”.

No mitin central celebrado en Xuvia, a cabeza de lista da organización nacionalista pediu o voto para o BNG porque, dixo, “esta formación ten demostrado que onde goberna cunha ampla maioría é quen de transformar as cousas e nós queremos estender ese modelo de cidade a Narón”.

Na súa intervención, que puxo o colofón a un acto no que tamén participaron o concelleiro de Promoción Económica, Xosé Fandiño, e os candidatos número 2 e 3 da lista, Geno CarballeiraDolores Prieto, respectivamente, Ledo recoñeceu o traballo do BNG no cogoberno de Narón ao longo dos últimos sete anos e medio, “con logros importantes nas áreas que diriximos – Promoción Social e Igualdade e Promoción Económica e Xestión Orzamentaria-, principalmente polo feito de ter mudado o foco de acción cara ás persoas”.

Cos deberes cumpridos, Ledo afirmou que chegou o momento de encetar esa transformación “cunha equipa de persoas traballadoras e ilusionadas que se materializa nun programa completo no que levamos traballando máis dun ano e falado con máis dun cento de persoas que fixeron as súas achegas”.

Ledo falou de Xuvia, parroquia da que é veciña, como exemplo “da necesidade de cambio que necesita Narón. Temos que pór en valor o patrimonio que temos, o paseo do río Xuvia,
recuperar a Casa Román, facer do Muíño un referente que permita mudar as dinámicas”.

Narón funciona, pero se tes coche”, dixo, “e o noso obxectivo é cohesionar o concello, humanizalo, gañar o espazo público, pois é aquí onde todas e todos somos iguais, máis alá da nosa condición social ou económica. Para iso presentamos un programa que ilusiona porque non queremos ser conformistas; o BNG non é unha organización que se conforma, senón que é unha organización que quere mudar as cousas, que quere transformar a realidade para facela mellor, para todas e para todos, sen distincións”.

“Temos as ideas claras e, como dicía Castelao, o verdadeiro heroísmo está en transformar os
desexos en realidades e as ideas en feitos. E é un feito que alí onde o BNG goberna, gañan as
persoas”.

Lea también

El PP de Narón tilda de “hipócritas” al resto de formaciones tras no apoyar su moción sobre Endesa

El grupo municipal del Partido Popular de Narón, a través de su portavoz, Germán Castrillón, …