A concelleira María Teresa Deus clausura o Encontro de persoas xordocegas e voluntariado

María Teresa Deus na clausura do XV Encontro de Persoas Xordocegas e voluntariado | Concello de Ferrol

A concelleira do grupo de goberno de Ferrol, María Teresa Deus, foi a encargada de intervir en representación do alcalde, Ángel Mato, na clausura do ”XV Encontro de Persoas Xordocegas e voluntariado”, promovido pola Asociación de Persoas Xordas de Ferrolterra e desenvolvido durante dos días 21 e 22 deste mes de xuño. O acto tivo lugar na sede da Faxpg de Ferrol, ubicada no centro comercial Porta Nova, e ao mesmo asistiron os presidentes das sete asociacións de Galicia (Santiago, A Coruña, Vigo, Pontevedra, Ourense, Lugo e Ferrol), ademais dun nutrido grupo de socios e voluntarios, pertencentes a ditas agrupacións.

Tras visitar as instalacións da entidade, saudar aos membros das sete asociacións de Galicia e falar con asistentes, Deus deu a benvida a todas e todos os asistentes e manifestou o interese que ten a nova corporación por traballar para conseguir unha cidade máis integradora e accesible. “Como non pode ser de outro xeito -dixo-, esta corporación pon ás persoas no seu eixo central“, e lembrou que dende a etapa de goberno presidida polo socialista Vicente Irisarri, ofértanse actividades escolares de balde para toda a poboación escolar, estando entre elas a lingua de signos.

A edila manifestou o seu desexo de que esta activade sexa máis demandada polos centros para poder ir avanzando na integración, e fixo referencia á importancia de acadar un emprego. A este respecto, Deus amosou a súa disposición para manter unha estreita colaboración co servizo de orientación da Faxpg e o servizo de emprego do Concello de Ferrol.

Por último, manifestou o seu desexo de que para en vindeiras ocasións poidan aloxarse en Ferrol, de modo que teñan a oportunidade de coñecer e desfrutar máis da cidade, xa que nesta tiveron que facelo fóra por non contar con establecementos suficientes que cumprisen coa accesibilidade necesaria para albergar ao colectivo.

Lea también

La Plataforma na Defensa dos Servizos Públicos continúa reclamando una reunión con el alcalde de Ferrol para hablar del cobro de la tasa de saneamiento en los recibos de Emafesa

Ha pasado un mes desde que la Plataforma na Defensa dos Servizos Públicos de Ferrolterra …

Deja un comentario

Tu dirección de correo electrónico no será publicada. Los campos obligatorios están marcados con *