A Biblioteca municipal ofrecerá un taller con motivo do Día das Persoas Maiores

A Biblioteca municipal de Ferrol, na praza de España, continúa programando actividades para o último trimestre do ano. Nesta ocasión sumarase á celebración do Día das Persoas Maiores, que terá lugar o próximo 1 de outubro.

Ese mesmo día, de 10.30 a 12 horas, a Biblioteca celebrará na sala Cemit, situada no terceiro andar, o taller “Asignatura pendente do século XXI: formación ao longo da vida”. O obxectivo do taller é sensibilizar aos participantes na necesidade de manter a súa mente activa para mellorar o proceso de envellecemento, sendo a formación continua unha ferramenta de alto impacto. No taller, de balde e cun límete de 16 prazas, veranse os beneficios de seguir formándose ó longo da vida, as distintas oportunidades que as novas tecnoloxías ofrecen para isto e algúns exemplos de plataformas que ofrecen formación de balde para as persoas maiores, mostrando en directo ferramentas tecnolóxicas que permiten acceder á formación desde calquera lugar.

A inscrición no curso, recomendado para maiores de 60 anos, farase a través do enlace https://cemit.xunta.gal/gl/actividade/29537 e se necesitan axuda coa inscrición os interesados poden dirixirse á biblioteca os días 25 e 30 de setembro de 9 a 14 horas. Para poder inscribirse é necesario ser usuario da rede CeMIT. Pode darse de alta no seguinte enlace: https://aulascemit.xunta.es/usuarios/spring/usuarios?execution=e4s1

Lea también

Ferrol-«Vuelve la música!» La AVV de Caranza retoma su actividad cultural

La Asociación de Vecinos de Caranza, retoma las actividades culturales, en el Centro Cívico, tras …