A lista de distribución de WhatsApp Ferrol+Conectado alcanza os 2.000 subscritores

O servizo Ferrol+Conectado, a lista de difusión a través de WhatsApp do Concello, alcanzou esta semana os 2.000 subscritores, que a diario se informan da actualidade municipal a través desta canle de comunicación. Con esta cifra, o conxunto de redes sociais do Concello de Ferrol superan os 17.000 seguidores, xa que a páxina de Facebook está próxima aos 10.000 e o perfil de Twitter ten máis de 5.000.

Ademais de noticias, Ferrol+Conectado transmite avisos, incidencias, actualizacións do taboleiro de anuncios do Concello ou, entre outras cousas máis, enlaces ás axendas culturais cando presentan novidades de interese para os cidadáns. O número do servizo é o 608 736 834, e para darse de alta só hai que agregalo á axenda de contactos e enviar unha mensaxe a través de WhatsApp coa palabra “alta” e o nome e apelidos do solicitante. A lista de difusión está a emitir unha media de cinco mensaxes á semana, e o límite está establecido en dous ao día.

A OAC, a mellor forma de contactar co Concello

Ferrol+Conectado está deseñado exclusivamente como lista de difusión, polo que as mensaxes chegan de forma individual e os usuarios non teñen acceso aos contactos do resto dos subscritores. Así mesmo, tampouco serve para a recepción de mensaxes por parte do Concello. Ese tipo de comunicacións son xestionadas pola Oficina de Atención Cidadá (OAC), coa que se pode contactar a través do número de teléfono 981 944 000 e do correo electrónico atencioncidada@ferrol.es. Este último servizo, dedicado especificamente a ocuparse das consultas que formulan os veciños, recibe unha media de máis de 3.000 chamadas ao mes. Neste setembro pasado, foron 3.818, o que supón unha media diaria de 182. Dese total, a 1.422 desas chamadas déuselles traslado directo ao departamento correspondente ou a unha persoa concreta, mentres que 1.385 se resolveron de forma directa e 1.007 foron atendidas por persoal especializado das diferentes áreas do Concello. Segundo estes datos, as máis demandadas, á marxe da propia Oficina de Atención Cidadá (1.385), a de Urbanismo (344 consultas), o grupo municipal do PSOE (259), a de Recadación (242) e o Edificio Social (228).

Tamén existe a posibilidade, como no caso de calquera Administración pública, de contactar co Concello mediante a presentación dun escrito no Rexistro municipal.

Lea también

El Concello de Ferrol finalizó el aglomerado del Camino del Castro

El Concello de Ferrol continúa ejecutando obras de reparación del firme tanto en el rural …