Julián Reina traslada aos veciños de San Xoán os avances nos contactos coa Xunta e Alsa en relación ao transporte metropolitano

Reunión de Julián Reina e a asociación de veciños de San Xoán | Concello de Ferrol

Julián Reina, concelleiro de Mobilidade e Urbanismo, reuniuse esta mañá con Andrés Medín, presidente da asociación de veciños de San Xoán, e outros dous representantes da entidade para trasladarlles os resultados dos contactos mantidos coa Xunta e con Alsa en relación ao novo transporte metropolitano de Ferrol, posto en marcha o pasado 1 de xaneiro.

Neste senso, o edil compartiu con eles as conclusións do encontro que tivo lugar o pasado venres co xefe territorial da Consellería de Infraestructuras e Mobilidade da Xunta de Galicia, administración responsable da xestión do servizo. Nese momento entregoulle ao responsable autonómico o documento que recolle as achegas recibidas no Concello por parte das asociacións veciñais e particulares ao novo transporte. O concelleiro insistiu en resaltar que os contactos coa Xunta e con Alsa, empresa que presta o servizo, son “constantes” co obxectivo de “adaptar as novas liñas as necesidades dos veciños de Ferrol”.

Tal e como comprometeuse o pasado sábado, o edil ven de convocar aos representantes das asociacións veciñais a un novo encontro mañá pola tarde no pazo municipal para informarlles dos avances nas conversas coa Xunta e con Alsa. O anterior tivo lugar o pasado 9 de xaneiro na concellería de Urbanismo. Reina lembrou a “boa disposición” do goberno autonómico na mellora dos percorridos dos autobuses.

Lea también

Mañá venres comeza o reparto das entradas de balde para a gala 8M no Teatro Jofre

Mañá venres, 28 de febreiro, comeza o reparto das entradas de balde para a XII …

Un comentario

  1. Lo que tenía que hacer el Concello en vez de tanta reunión y tanto postureo es cumplir con sus obligaciones en materia de transporte (toda vez que han dejado que las concesiones sean cosa de la Xunta), y son bien pocas: pintar y señalizar correctamente las paradas de autobús, poner marquesinas donde no hay y arreglar las que están reventadas, y poner a trabajar a la Policía Local para que dejen de estar permanentemente ocupadas por coches y obstaculizando el trabajo de los buses (e.g.: Bodegas de Fajardo, delante de Castelos, Villa Soledad, etc etc)