O BNG presenta unha moción sobre o estado dos bancos marisqueiros da ría

Iván Rivas e María do Mar López en rolda de prensa antes da pandemia | Adán Puentes

O Bloque Nacionalista Galego de Ferrol presentou unha moción ao pleno en relación a actual situación que vive o sector marisqueiro da ría «e a necesidade de que se desenvolvan, por parte da Xunta de Galicia, as accións necesarias para garantir a rexeneración dos bancos marisqueiros e se garanta o futuro económico do sector«.

O BNG considera prioritario que se proceda a acometer unha limpeza dos fundos da ría «para o que é fundamental a elaboración dun estudo integral da nosa ría para coñecer os problemas existentes e poder dar unha solución eficaz e definitiva a esta situación. Asi mesmo considera que o Concello de ferrol debería amosar a súa disponibilidade a contribuir económicamente na elaboración deste estudo co obxecto de evitar maiores dilacións por parte da Xunta de Galicia na súa realización«.

Así mesmo o BNG quere que o Concello inste a Xunta de Galicia «a pechar os bancos marisqueiros da ría de Ferrol e a estabelecer axudas ao colectivo de mariscadores e mariscadoras mentres dure esta situación e a incluir ás confrarías da ría no desenvolvemento das tarefas necesarias para a mellora das zonas produtivas«.

O BNG lembra que a ría de Ferrol «foi a última das grandes ría de Galiza en ter EDAR e que aínda hai zonas que seguen vertindo à ría sen depurar«. Ademais desde o BNG consideran que «é notorio que existe un problema adicional que son os recheos existentes na ría como o peirao carboeiro, a ponte do ferrocarril, o viaducto ferroviario da Malata, a ponte das Pías etc; barreiras que deberían mesmo pensar na súa eliminación xa que os efectos provocados pola acción conxunta de verquidos e barreiras sobre a circulación de auga do mar, provocaron a degradación da case totalidade dos bancos marisqueiros da ría, e a perda e desaparición de algunhas partes destes, caso significativo é o banco das Pías. Este nivel de deterioro foi tan grande, que incluso co saneamento funcionando non chega para remontar a perda de produción«.

Lea también

El nuevo programa municipal de desbroces en el rural iniciado esta semana se alargará hasta finales de año

El concejal de Urbanismo, Julián Reina, informó esta mañana a los grupos de la oposición …