Os Comités de Navantia Ferrol-Fene reclaman apoio unámime ó concello ás demandas de traballo e a urxente transformación do asteleiro

Fot. cedida

O Comité de Empresa de Navantia reclámalle ó Concello de Ferrol o respaldo unánime de todos os grupos políticos para as súas demandas de carga de traballo, emprego e futuro para o naval na nosa ría que pasan, necesariamente e con urxencia, pola transformación do estaleiro de Ferrol con dique cuberto e investimentos en Carenas e Turbinas

Así queda de manifesto na moción que os representantes dos traballadores rexistraron o luns 21 e que se debatirá no pleno ordinario de fin de mes  xoves 24.

O escrito sinala que xa hai máis dun lustro que o grupo naval encargara ao centro tecnolóxico Romero Landa, en colaboración coa reputada consultora McKinsey, un estudio de viabilidade para o estaleiro de Ferrol con vistas a acometer a transformación do centro para situalo entre os máis punteiros a nivel mundial.

Naquel momento, a conclusión foi que Ferrol precisaba dunha transformación integral para ser competitivo a escala global concentrndo todos os procesos de forma que se pasase da construción en grada a facelo baixo dique cuberto, cun aforro significativo nas F-110 que permitiría costear este investimento.

Non obstante, desde o Comité denunciase que desde a sinatura do Plan Estratéxico de Navantia (PEN), se está a ‘invisibilizar calquera investimento no centro de Ferrol que non sexa no obradoiro de sub-bloques, obviando a necesidade de investir en Carenas, Turbinas,… “

“É importantísimo que se coñeza que o futuro taller de sub-bloques está orientado na ubicación onde se emprazaría o dique seco cuberto. Non cabe dúbida de que sería o complemento perfecto na mellora dos procesos na construción de calquera buque, pero mentres non se constrúa o tan necesario dique, a situación do taller repercutiría no empeoramento nos procesos xa que esta planeado para o estaleiro do futuro e non para o actual”, explica a moción.

Así é que desde os Comités de Empresa de Navantia Fene e Ferrol ESIXEN AO PLENO DA CORPORACIÓN DE FERROL que por unanimidade insten ao Goberno central, no concreto ao Ministerio de Facenda, -do que dependen SEPI e Navantia-, a que se pronuncien axiña e con claridade se contemplan a transformación integral do asteleiro de Ferrol cun dique cuberto de construción civil e militar, tal e como estaba comprometido para garantir un futuro competitivo no mercado internacional e fixen un calendario de datas e investimentos para acometelo a maior brevedade.

Lea también

NAVANTIA SEANERGIES lanza el centro de excelencia CoEx Green Energies, con el diseño de un prototipo de subestación marina flotante cero emisiones

El estand de Navantia Seanergies en WindEurope 2024 ha sido el escenario del lanzamiento de …