Narón-Curso preparatorio do exame Codix e de Xestión de Recursos Humáns

A concelleira de Formación e Novas Tecnoloxías, Natalia Hermida, anunciou a apertura do prazo para inscribirse en dous cursos do programa Cemit, un preparatorio do exame Codix e outro de Xestión de Recursos Humáns.

A edil naronesa indicou que se trata de dúas accións formativas dirixidas a persoas maiores de 16 anos e que para inscribirse hai que facelo a través da plataforma Cemit da Xunta de Galicia: https://cemit.xunta.gal/es/formacion/formacion-presencial?concello=15507.

«Iniciamos as actividades do programa Cemit con estes dous cursos, se ben se convocarán máis ao longo do que queda deste ano» apuntou Hermida.

O Curso preparatorio do exame Codix terá unha duración total de 180 horas e impartirase do 13 de setembro ó 17 de novembro, de 9.30 a 13.30 horas, mentres que o de Xestión de RRHH ten un total de 116 horas e levarase a cabo do 13 de setembro ó 22 de outubro, en horario de tarde, de 16.00 a 20.00 horas. Son dous cursos presenciais que se impartirán na Aula Cemit de Xuvia de luns a venres.

As prazas cubriranse por rigorosa orde de inscrición e a Aula Cemit permanecerá aberta do 7 ó 10 de setembro, entre as 11.30 e as 13.30 horas para atender a todas as persoas que precisen axuda na inscrición destes cursos.

As persoas que desexen recibir máis información poden chamar ó teléfono 981 337 700 (extensión 1123).

Lea también

Narón-A compañía Pentación Teatro representa a comedia «Viva la Pepa»

O Pazo da Cultura acollerá este sábado, día 23 de outubro, ás 20.00 horas, a …