Narón-O Pazo acolle a proxección de «A illa das mentiras»

O Ciclo de cine en galego organizado polo Padroado da Cultura do Concello de Narón e o Cineclube Serie B continúa este xoves, ás 20.00 h. coa proxección da película «A illa das mentiras» (2020), dirixida por Paula Cons e galardoada con cinco premios Mestre Mateo, incluído o de Mellor dirección.

A historia dun naufraxio centra a temática deste filme. Todo acontece nunha noite do 1 de xaneiro de 1921 xunto á costa da Illa de Sálvora, donde se afunde un barco, o Santa Isabel, con 260 emigrantes que ían cara a Bos Aires. Unha parte dos pasaxeiros logra salvarse con axuda e un xornalista encargarase de investigar terribles casualidades que se rexistraron esa noite na zona.

O programa do ciclo Cine en galego continuará o 7 de outubro con «Dhogs» (2017), dirixida por Andrés Goteira. Trátase da película máis premiada dos premios Mestre Mateo, con trece galardóns. A última proxección será o 14 de outubro, con «Eroski Paraíso» (2019), dirixida por Jorge Coira e Xesús Ron, galardoada nos Mestre Mateo nas categorías de mellor protagonista feminino e masculino.

A Federación de Cineclubes de Galicia (Feciga), o Centro Galego de Artes da Imaxe (CGAI) e a Xunta de Galicia colaboran tamén nesta iniciativa

Lea también

Suspendida a representación da obra “Cigarreiras” prevista para esta fin de semana no Pazo da Cultura-Narón

A representación do espectáculo teatral “Cigarreiras”, da compañía Contraproducións e de Teatro Romea, prevista para …