Asamblea comarcal en Neda- O obxectivo do BNG é buscar ampliar a base social

Fot. BNG

O BNG de Ferrolterra celebrou este mércores na Casa da Cultura de Neda a súa Asemblea Comarcal, abrindo o proceso de debate da militancia previo á celebración da Asemblea Nacional que se celebrará n´A Coruña o vindeiro 7 de Novembro 

“Construír un futuro mellor só ten un camiño: ampliar a base social do BNG, multiplicando o traballo social en conexión co traballo institucional» fixou como obxectivo a responsábel portavoz comarcal, Mercedes Tobío, que animou á militancia a converter o BNG na » caixa de resonancia dos grandes temas socias, como a factura da luz, a sanidade pública, o coidado dos maiores, a perda de servizos no rural, ou pór a riqueza a favor das familias, da clase traballadora e das empresas»

Tobío fixo referencia á situación de emerxencia que vive a comarca no ámbito sociolaboral, facendo fincapé no traballo social que o BNG está a defender na rúa e nas diversas institucións para conseguir que «as decisións políticas en defensa dos nosos sectores muden o que outras decisión fixeron na decapitación de sectores coma o naval, o enerxético ou a falta de solucións para a ría» engadindo que  «seguiremos a ser a voz da cidadanía indignada coa estafa da luz, en defensa da sanidade pública fronte aos recortes do PP, a voz a favor dun novo modelo de residencias, a que defenda que a riqueza do país debe usarse a favor das familias, da clase traballadora e das empresas, en defensa do medio ambiente e dunha Galiza verde, e a voz que coloque Galiza na axenda política do Estado, fronte á submisión das forza estatais”

A responsábel comarcal do BNG puxo en valor «o incremento da militancia nos últimos meses e tamén o alto índice de participación nos debates cara á AN, como demostra as máis de medio cento de emendas aos textos presentados na reunión de onte, que indican que estamos -mesmo coas dificuldades dunha situación como a que vivimos na pandemia- nunha organización chea de vitalidade e ilusión»

Lea también

Valdoviño-Espectáculo «Doble Extra!» con Paco Nogueiras y Marc Taeger

El Concello de Valdoviño inaugura este domingo día 5, la programación cultural del mes de …