Actuación de Cándido Pazó nos xardíns municipais de San Sadurniño

 

A actuación de Cándido Pazó deste sábado, día 6 de novembro, ás 20:00 horas en San Sadurniño será na carpa que se instalará na pista multixogos dos xardíns municipais , non na Casa da Cultura como se informara hai uns días.

 

As entradas (gratuítas)poden reservarse ata o mediodía deste venres día 5,  chamando ou mandando un WhatsApp ó 616 332 919, ou ben no correo agustin.perez@sansadurnino.gal.

 

O actor e dramaturgo volve a San Sadurniño traéndonos desta vez o espectáculo «Botando a lingua a pastar». Humor e retranca con contos tirados da tradición oral que el enfía engadíndolles historias creadas ou vividas que, en conxunto, constrúen un convite á reflexión sobre a lingua galega, a súa normalización e o seu incerto futuro.

 

Este domingo, día 7 de novembro pola tarde, tamén baixo a carpa da pista multixogos, terá lugar o obradoiro infantil de tallado de cabazas con 30 prazas en dous grupos, un de 16 a 17:00h e outro de 17 a 18:00h, e ó seu remate actuará Magín Blanco coa proposta familiar «O que levamos nas maletas». Tamén fai falla reserva no 616 332 919, ou en agustin.perez@sansadurnino.gal.