O Concello de Ferrol abre o luns o prazo para formar parte do Consello Sectorial da Lingua

O Concello de Ferrol abrirá o próximo luns o prazo de inscrición para que entidades, asociacións e persoas a título particular opten a formar parte do Consello Sectorial de Lingua, cuxo regulamento foi publicado no Boletín Oficial da Provincia (BOP) o 1 de febreiro de 2021, tal e como anunciou esta mañá a concelleira de Normalización Lingüística, Cristina Prados.

Os aspirantes deberán cumprir determinados requisitos. As entidades cidadás deberán estar debidamente constituídas, rexistradas no Rexistro Municipal de entidades cidadás do Concello de Ferrol e recoller nos seus estatutos que entre as súas prioridades e obxectivos está a defensa da lingua e da súa normalización. O número máximo de colectivos participantes será de 15 e 5 cidadáns, maiores de 16 anos, interesadas a titulo individual.

As entidades e particulares interesados poden atopar toda a información e o modelo de solicitude no Taboleiro de Anuncios do Concello de Ferrol, no enlace https://www.ferrol.gal/Sede/TaboleiroAnuncios. O prazo é de 15 días hábiles desde o día seguinte á publicación da resolución no Taboleiro de Anuncios do Concello de Ferrol.

Lea también

El Concello de Ferrol finaliza la guía de recursos sociocomunitarios de Canido

El Concello de Ferrol está continuando con la redacción de guías de recursos sociocomunitarios por barrios, …