Xullo, Mes de Patria no Concello de Fene

Cun concerto de Xabier Díaz e as Adufeiras do Salitre comezará o venres 1 de xullo o ciclo “Xullo, mes da Patria” que engloba toda a programación organizada pola Concellería de Cultura de Fene ó redor da conmemoración do 25 de xullo, Día da Patria Galega.

O ciclo incluirá un monólogo con Pepo Suevos (7 de xullo), festa infantil (8 de xullo), o tradicional Festival de Habaneras e Canto Coral (12 de xullo), pasacalles con Trópico de Grelos + Afro Axé (13 de xullo) e os concertos de Blues do País, Sindicato da Verbena (14 de xullo), Ruxe Ruxe (21 de xullo) e Boyanka Kostova (22 de xullo).

O programa concluirá o sábado 23 de xullo coa lectura da declaración institucional polo Día da Patria Galega, a cargo da escritora Ánxela Loureiro.

A continuación detállanse todas as actividades previstas no ciclo “Xullo, mes da Patria 2022”:

Venres, 1 de xullo, ás 21:00 h, no paseo marítimo de San Valentín, concerto de Xabier Díaz e Adufeiras de Salitre, As catedrais silenciadas (Rede Cultural).

Xoves, 7 de xullo, ás 21:00 h, na praza do alcalde Ramón José Souto González, monólogo de Pepo Suevos co espectáculo Humor salvaxe (Rede Cultural).

Venres, 8 de xullo, ás 18.00 h., festa infantil na Praza do alcalde Ramón José Souto González.

Martes, 12 de xullo ás 20:30 horas, Festival de Habaneiras e Canto Coral na Praza do alcalde Ramón José Souto González, coa participación da Rondalla Estrelecer do CMI Unidade de Fene; Coral Polifónica da SCRD Agarimo de Sillobre, Coral Polifónica da ACRD O Pote de Maniños e Rondalla Perla do Río do CCRD de Perlío.

Mércores, 13 de xullo, ás 20:00 h, pasacalles a cargo de Trópico de Grelos Afro + Axé Danza pola Avenida do Concello, Avenida de Naturais e Marqués de Figueroa (Rede Cultural).

Xoves, 14 de xullo, ás 21:00 h, na praza do alcalde Ramón José Souto González, concerto de Blues do País e Sindicato da Verbena (Rede Cultural).

Xoves, 21 de xullo, ás 21:00 h, na praza do alcalde Ramón José Souto González, concerto de Ruxe-Ruxe co espectáculo Xira 2022 (Rede Cultural).

Venres, 22 de xullo, ás 21:00 h, na praza do alcalde Ramón José Souto González, concerto de Boyanka-Kostova co espectáculo Boyanka-Kostova (Rede Cultural).

Sábado 23 de xullo, ás 13:00 h. no Parque Liñal do río Cádavo (a carón do monumento Día da Patria Galega), lectura da declaración institucional do Día da Patria Galega a cargo da escritora Ánxela Loureiro.

Todas as actividades do ciclo “Xullo, mes da Patria” serán con entrada libre e de balde.

Máis información, na web do Concello de Fene www.fene.gal ou no Departamento de Cultura do Concello de Fene, tfno. 981 340 366.

Lea también

Un vecino de As Somozas denuncia que Sogarisa contamina las fincas de su propiedad

Un vecino de As Somozas ha presentado dos denunciantes ante el puesto de la Guardia …