O Concello de Narón impulsa unha campaña dirixida á hostalería

O Concello de Narón organiza unha nova campaña dirixida ó sector hostaleiro local co fin, entre outros, de coñecer a opinión da cidadanía sobre o sector.

O edil responsable da área de Promoción Económica, David Pita, presentou este xoves, día 15 de setembro a iniciativa, na que poderán participar, tal e como indicou, un máximo de 50 establecementos de hostalería da cidade.

“Terán que anotarse dende mañá ata o 25 deste mes a través do correo electrónico me.mendez@naron.es, indicando o nome da persoa responsable, o do establecemento e un teléfono de contacto”, avanzou.

Os veciños que acudan ós locais participantes poderán cubrir unha enquisa sobre as tapas e racións que ofrecen, os produtos que destacarían, a implantación das terrazas, a formación do sector, os produtos locais e o Club Narón Gastronómico.

Esa enquisa estará dispoñible nos propios establecementos, donde tamén haberá unha urna donde depositalas cos datos de contacto. “A campaña desenvolverase do 1 ó 31 de outubro e ó remate da mesma, en novembro, todas as persoas que participen, poderase cubrir unha enquisa por persoa e establecemento, entrarán no sorteo dunha cesta delicatesen con produtos galegos”, avanzou Pita.

O edil indicou que se sorteará unha cesta en cada un dos locais participantes. “A través desa enquisa realizaremos un estudo para coñecer máis en profundidade a situación do sector e a visión que del teñen os veciños de Narón ou doutros concellos que participen”, apuntou.

O edil de Promoción Económica animou á cidadanía a participar e destacou que se trata dunha campaña “que nos permitirá definir iniciativas futuras para mellorar, no caso de ser preciso, algúns aspectos relacionados co sector”

Lea también

Tres heridos al colisionar tres vehículos en la AC-116, en el Val, Narón

Pasadas las nueve de la mañana de este jueves se registró un accidente de tráfico …