Programación cultural desta «finde» no Pazo da Cultura de Narón

O Pazo da Cultura do Concello de Narón acolle esta fin de semana tres novos espectáculos da programación do Padroado da Cultura para os últimos meses do ano.

A primeira das citas será este venres, día 7 de outubro, co actor e dramaturgo Rafael Álvarez, “El Brujo”, que interpretará “El alma de Valle Inclán” ás 20.30 horas. Trátase dun espectáculo íntimo que xurdiu durante o confinamento e no que o autor reinterpreta textos de Valle Inclán durante algo máis de hora e media.

As entradas teñen un prezo de 12 euros para o público xeral e de 8,40 para abonados, desempregados e persoas con carné xove ou de estudante (ata 25 anos).

O sábado  8 do citado mes será o turno da música, nesta ocasión a cargo de Sondeseu, unha orquestra folk de Galicia que celebra os seus vinte anos sobre os escenarios cun concerto acústico con máis de medio cento de músicos. A tradición oral da música popular de Galicia integra o seu repertorio, con música de gaitas, zanfonas, violíns, frautas de madeira e outros instrumentos.

O prezo das entradas é de 9,50 euros para o público xeral; de 6,65 para abonados, desempregados, persoas con carné xove ou de estudante (ata 25 anos) e de 5,50 para menores de 12 anos.

Este domingo 9 poderase ver ás 17.30 horas e ás 19.30 o musical tributo “El Rey León, de Simba a Kiara”, a cargo de Onbeat. A interacción co público, espectaculares voces en directo e unha gran posta en escena e atractivas coreografías son os sinais de identidade desta inesquecible proposta.

As entradas teñen un prezo de 15 euros no patio de butacas, de 13 no anfiteatro 1 e 12 no anfiteatro 2. As entradas poden adquirirse no despacho de billetes do Pazo da Cultura ou a través da web: padroadodecultura@naron.es

Lea también

Tres heridos al colisionar tres vehículos en la AC-116, en el Val, Narón

Pasadas las nueve de la mañana de este jueves se registró un accidente de tráfico …