“Imos estar aquí o 8M e os 365 días do ano” será o lema do BNG de Narón.

“Por un Narón en igualdade” está dentro dunha campaña nacional do BNG onde cada mes haberá unha denuncia e unha alternativa que comezará neste mes de marzo centrándose na fenda salarial que sofren as mulleres galegas.

A portavoz municipal e candidata a alcaldía, Olaia Ledo, presentou a primeira campaña do BNG para este 8 de marzo en narón con compañeiras e compañeiros da localidade en Santa Icía “que durará o ano enteiro, porque a igualdade non se reivindica un só día, constrúese os 365 días do ano e nós loitamos por un Narón en igualdade todo o ano. Por iso reclamamos a construcción dun Centro de Información á muller, porque as mulleres de Narón teñen dereito a ter un lugar onde asesorarse e onde acudir en caso de violencia machista”, indicou.

Declaracións de Olaia Ledo.

Olaia Ledo quixo denunciar como, cada 8 de marzo, aprobamos no concello unha moción e poñémonos lazos lilas polo Día Internacional das Mulleres pero “non é suficiente se non hai un compromiso para que a igualdade exista o resto dos días do ano”. “non queremos que Narón sexa purplewashing”, indicou, “un lavado de imaxe nun día concreto e para iso temos que escoitarnos e traballar conxuntamente os 365 días do ano. Nós temos ideas que levamos ofrecendo estes últimos catro anos ao goberno e seguiremos para poder acadar un Narón máis xusto e igualitario”.

UNHA CAMPAÑA EN TODO O PAÍS:

Reivindicando que o feminismo ten que estar presente cada día e baixo o lema “imos estar aquí o 8M e os 365 días do ano”, o BNG presenta unha campaña viva, coa que reafirmar o seu compromiso feminista e denunciando as desigualdades que aínda existen no noso País.

Ao longo dos próximos 12 meses o MUPI escollido para situar a campaña narúa irá mudando a súa parte dinámica para incorporar unhanova proposta.“Cada mes haberá unha denuncia e unha alternativa, ao tempo que damos acoñecer as nosas propostas para construírunha sociedade máis xusta na queas mulleres sexamos verdadeiramente iguais” declarou Pontón.

Neste mes de marzo a denuncia céntrase na fenda salarial “porque as mulleres aínda soportamos teitos de vidro que impiden que poidamos exercer os nosos dereitos e cobramos 4.200 euros menos que os homes ao ano”, denunciou alíder do Bloque. Fronte a isto, a proposta comezará coa creación da Valedora da Igualdade, cuxa lei de creación se rexistrará hoxe mesmo no Parlamento. Trátase dun organismo autónomo cuxa finalidade é velar pola garantía dos dereitos das mulleres no sector privado, promovendo a igualdade e loitando contra a discriminación. Este organismo terá capacidade de impulsar sancións “porque hai moitos dereitos que a díade hoxe xa están recollidos na lexislación, no papel, pero non se están garantindo na realidade”, subliñou.

“Esta campaña non dura só o 8M, durará os 365 días do ano porque a desigualdade está aí e no BNG queremos que a igualdade non sexa unhautopía, senón unha realidade cara a que camiñemos máis rápido», concluíu.

Lea también

Almorzo para recadar fondos para o Centro de Recursos Solidarios de Narón

Unhas 250 persoas acudirán este sábado 30 á comida organizada para recaudar fondos para o …