Os Concellos de Ferrol e Narón «aumentarán o nivel de cooperación» no servizo de bombeiros

O concelleiro de Seguridade e Servizos do Concello de Ferrol, Pablo Cal Martínez, participou na mañá do mércoles, día 28, na comisión de seguimento do convenio asinado entre Ferrol e Narón para compartir o servizo de bombeiros. A este encontro, por parte da localidade veciña de Narón, asistiu o edil Guillermo Sánchez Fojo; así como diverso persoal técnico municipal de ambos os dous concellos.

Pablo Cal apuntou, ao remate da xuntanza, que durante a mesma abordáronse cuestións de carácter técnico e operativas sobre o funcionamento do devandito  convenio de bombeiros. “Constatouse a necesidade de facer máis fluída a relación entre Ferrol e Narón no tocante a este servizo de bombeiros”, apuntou o responsable ferrolán; ao tempo que avogou por “aumentar o nivel de cooperación” entre os dous Concellos. Neste sentido, Pablo Cal explicou que as dúas partes quedaron convocadas para manter unha nova reunión de seguimento do convenio, a cal terá lugar antes da primeira quincena do vindeiro mes de decembro.

 

Lea también

Ferrol-El BNG sitúa la recuperación de la Ría o la carga de trabajo en Navantia como prioridades para los PGE

El diputado del BNG en el Congreso, Néstor Rego, y el portavoz municipal de la …