Constituido un grupo socialista de traballo en defensa das políticas sociais e do estado do benestar en Ferrol, Eume e Ortegal

A sede do PSdeG-PSOE local acolleu  a constitución dun novo espazo específico de defensa das políticas sociais e do Estado do Benestar a nivel das tres comarcas (Ferrolterra, Eume e Ortegal), que nace baixo o paraugas do Foro Socialista Pablo Iglesias de Ferrol, e que ten no coordinador da área social da Executiva, o médico Carlos Piñeiro, o seu principal responsable. Nesta primeira reunión, á que acudiron representantes socialistas das diferentes agrupacións da zona, «quedou de manifesto -según unha información facilitado aos medios de comunicación-a importancia de contar con este organismo, que traballará a reo e dun xeito específico na defensa do social, en perigo de morte polas políticas de recortes e neoliberais dos Gobernos do Partido Popular».

«Así, os socialistas– sinala o comunicado- aseguraron que levarán a cabo todas as accións e iniciativas que sexan necesarias para combatir a ese PP liquidador dun Estado de Benestar polo que loitou e traballou durante anos o Partido Socialista. Os recortes na sanidade e na educación públicas, o copago, o incremento do desemprego e as continuas rebaixas nos salarios, a perda de dereitos dos xubilados e pensionistas, as taxas xudiciais, o aumento das taxas universitarias ou a práctica eliminación da Lei de Dependencia constitúen un claro exemplo dos ataques dun PP que, baixo a excusa da crise económica, están a aplicar as políticas máis reaccionarias e contra o Estado do Benestar coñecidas en democracia.

A xuízo do PSdeG-PSOE, son necesarias novas medidas de política social que atenden as necesidades reais da poboación, aspirando a un crecemento económico competitivo e sustentable e un alto grao de cohesión social. E precisamente con estes parámetros, e baixo a idea de que a xestión das políticas sociais e do gasto público é responsabilidade do Estado e das Comunidades, este novo espazo creado hoxe traballará dende xa mesmo».

Lea también

El Concello de Ferrol finalizó el aglomerado del Camino del Castro

El Concello de Ferrol continúa ejecutando obras de reparación del firme tanto en el rural …