Encontro do BNG coa A.VV. de A Cabana pola supresión de servizos de autobús

O Bloque Nacionalista Galego de Ferrol mantivo o luns 14 de xaneiro às 18.00 horas, unha xuntanza coa asociación de veciños de A Cabana para informar da proposta de redución de servizos no transporte urbano proposto pola empresa concesionaria.
Iván Rivas, portavoz municipal do BNG, informou aos veciños sobre a proposta que esta sendo obxecto de estudo por parte da Xunta de Galiza e contra a que o Concello de Ferrol non presentou alegacións. O BNG considera que a problemática do transporte público na cidade debe ser abordada con urxencia para non seguir a perder servizos públicos.
O BNG sinala que A Cabana, igual que acontece coa Graña é unha das zonas que se verá máis afectada polo recorte no servizo de transporte urbano xa que “Tranvias de Ferrol” pretende suprimir por completo o servizo de autobus as fins de semana e reducir à metade os servizos os días laborabeis, unha redución total de 60 servizos à semana.

Para o BNG a situación do transporte público na cidade na actualidade xa é moi deficiente, tanto na zona urbana como no rural, con frecuencias de paso ridículas, e que o Goberno municipal debería afrontar este servizo como algo prioritario no canto de actúar de modo cómplice respecto de decisións que van no sentido contrario ás necesidades da cidade e lembrou que a dinámica do PP é a de reducir a prestación de servizos públicos en perxuizo das maiorías sociais.