Unha delegación do BNG mantivo un encontro cos opositores ao aceso ferroviario pola Malata

ferrocarril puerto exteriorUnha delegación do BNG da que formaba parte o portavoz municipal, Ivan Rivas, e a eurodeputada nacionalista, Ana Miranda, mantivo un encontro con membros do colectivo de entidades da cidade que se opoñen ao trazado escollido por Fomento para o aceso ferroviario ao porto exterior de Ferrol para analizar este proxecto, o seu impacto sobre a ría e posíbeis iniciativas sobre o mesmo.

Aproveitando a presenza na nosa cidade da europarlamentaria do BNG, que forma parte da comisión interparlamentar que está a estudar as denuncias pola falla de saneamento das rías galegas, entre elas a de Ferrol, o BNG quixo poñer a disposición destes colectivos a súa representación institucional e asi mesmo recibiu dos representantes sociais información dos pasos dados por estes para frear unha nova agresión à ría de Ferrol.

Os nacionalistas lembran que xa teñen tramitado no parlamento europeo unha iniciativa sobre esta infraestrutura que vai a ser cofinanciada con fondos europeos: Co obxectivo de coñecer con qué tipo de fondos europeos será cofinanciado e para coñecer se considera a Comisión que o procedemento seguido para a licitación do proxecto é irregular, por ter ignorado ás alegacions presentadas, contraviniendo á Directiva 2011/92/UE. E se é consciente a Comisión Europea do impacto ambiental e estructural que terá o trazado escollido polo Ministerio de Fomento sobre a ría de Ferrol fronte aos trazados alternativos existentes.

Iván Rivas, portavoz municipal do BNG, censurou a atitude do alcalde de Ferrol por pregarse as intencións do Ministerio de Fomento e defender este trazado, que é contrario as alegacións presentadas no seu día polo propio concello de Ferrol e por rexeitar no Pleno a moción do BNG na que se demandaba do Ministerio de Fomento a contestación as alegacións e a presentación da Declaración de Impacto Ambiental deste proxecto.

 

Lea también

Ferrol-Un conductor herido al salirse de la vía su vehículo y colisionar contra una farola

Sobre las diez y cuarto de la mañana de este miércoles se registró un accidente …