Publicada a convocatoria de exames para titulacións para embarcacións de lecer e motos náuticas

embarcaciones de placerO Diario Oficial de Galicia (DOG) publica a convocatoria de exames ordinarios teóricos e prácticos para a obtención das titulacións que habilitan para o goberno das embarcacións de lecer e motos náuticas na Comunidade Autónoma de Galicia. As titulacións para as que se convocan estas probas son patrón/a para navegación básica, de embarcacións de lecer e de iate, así como de capitán/a de iate, patrón/a de moto náutica A e patrón/a de moto náutica B.

Os candidatos/as solicitarán a súa admisión ao exame teórico ou práctico mediante a instancia dirixida ao presidente do tribunal do centro oficial de ensino pesqueiro onde realizará a proba cubrindo o modelo de solicitude do procedemento PE616C, que figura como anexo I da Orde que publica hoxe o DOG.

Solicitude

O modelo de solicitude facilitarase nas oficinas da Dirección Xeral de Desenvolvemento Pesqueiro, nas xefaturas territoriais, nas xefaturas de Coordinación da Área do Mar e nas xefaturas comarcais da Consellería do Medio Rural e do Mar, e tamén na Guía de procedementos e servizos en https://sede.xunta.es/guia-de-procedementos-e-servizos.

Na resolución que hoxe publica o DOG infórmase do importe correspondente ás taxas polos dereitos de exame en cada modalidade, así como das datas e lugares de celebración das probas, tanto para a convocatoria de maio como para a de setembro.

 

 

Lea también

Ferrol en Común demanda información abierta sobre el saneamiento pendiente en la zona rural

Desde que Ferrol en Común firmara con Augas de Galicia el convenio para desarrollar una actuación …