A Casa da Cultura de Neda acolle este venres a estrea da peza teatral “Raíñas”

 

 

teatro as raiñasA concelleira de Cultura, Eva Olmo, animou á veciñanza a acudir este venres, 22 de marzo, á estrea da obra teatral “Raíñas”, a cargo da compañía Oquetiqueiras. A función dará comezo ás 20,30 horas e o prezo das entradas é de dous euros, de cara a facilitar a asistencia do público.

“Raíñas” é unha adaptación libre de Eva Castro do texto “Ni princesas, ni esclavas” de Humberto Robles. Está dirixida por Luis G. Ramos e interpretada por Fernanda Martínez, María Polo e Eva Castro. Narra a historia dunha ama de casa, unha sexo-servidora e unha intelectual.

Todas elas comparten varios puntos en común: son mulleres, sofren, non se conforman, queren cambiar a súa vida… “Raíñas” é unha divertidísima crítica social, intrigante, atrevida e irreverente.

 

 

 

Lea también

“Camiño a Teixido” promoción del itinerario de San Andrés en Valdoviño

El Concello de Valdoviño pone en marcha el proyecto «Xeración de contidos turísticos e de …