Convocado polo CMI «Unidade de Fene» o premio de poesía «Pérez Parallé»

O Círculo Mercantil e Industrial Unidade de Fene, coa colaboración do  Concello de Fene e a editorial «Espiral Maior», fai pública a  convocatoria dunha nova edición do Premio Nacional de Poesía «Xosemaría  Pérez Parallé».

O Pérez Parallé convócase co obxectivo de colaborar na promoción de   novas voces, polo que para participar é requisito imprescindíbel non ter   publicado ningún libro individual de poesía.

As persoas en participar nesta convocatoria teñen de prazo até o 30 de setembro  para presentar os seus orixinais.

Os autores e autoras participantes presentarán un libro de poesía en lingua galega. É responsabilidade do xurado do premio determinar se algún dos traballos presentados posúe ou non as características para ser considerado “libro”.

Porén, recoméndase que teñan unha extensión mínima de 300 versos.

O premio consistirá na edición do libro na Colección de Poesía Espiral Maior no máis breve prazo posíbel. Terá tamén unha gratificación económica de 500 € (suxeitos ás retencións impositivas que marca a lei) e, como símbolo do premio, entregarase á persoa gañadora unha escultura obra de Francisco Pérez Porto, artista plástico, fillo de Xosemaría Pérez Parallé