Presentación da publicación «Construindo pontes» en Fene

ConstruindopontesEste mércores, día 3 , ás 20:00 h. na Casa da Cultura de Fene, o grupo de traballo do proxecto de Envellecemento Activo e Participación Social presenta a publicación «Construíndo Pontes«.

«Construíndo Pontes»

A Área de Servizos Sociais, Igualdade e Educación do Concello de Fene desenvolveu un proxecto de Envellecemento Activo e Participación Social subvencionado pola Deputación da Coruña.

No marco deste proxecto levouse a cabo un programa de recuparación da memoria histórica de Fene, que agora ve a luz en forma de publicación na que se recollen aqueles oficios propios da nenez dos/das participantes, a súa evolución, o impacto da construción naval na estrutura social e económica do Concello, o traballo das mulleres no estaleiro e as consecuencias da reconversión do sector naval.

En «Construíndo Pontes» salienta a valiosíma contribución que as persoas que participaron neste grupo de traballo fan ás xeracións máis novas e ao conxunto da veciñanza de Fene.

Logo da presentación da publicación terá lugar unha charla-coloquio entre representantes do grupo de traballo e as persoas asistentes, faladoiro que nos permitirá compartir vivencias e manter viva a historia inmaterial do noso Concello para, deste xeito, promover o debate, o intercambio de información e a transmisión interxeracional.

Ao remate do acto distribuiranse exemplares de «Construíndo Pontes».

 

 

 

 

Lea también

Creacción de la Cátedra «Diócesis de Mondoñedo-Ferrol · Universidad de A Coruña»

El Campus Industrial de Ferrol acogió este miércoles, día 22 de junio, el acto de …