En Ferrol, «II Encontro Internacional de Cans de Rescate»

concello-cansO concelleiro de Seguridade e Mobilidade do Concello de Ferrol, Pablo Cal Martínez, presentou na mañá deste mércores, día 23, o II Encontro Internacional de Cans de Rescate que se celebrará en Ferrol os días 25, 26 e 27 de outubro. O edil ferrolán contou coa presenza do representante da Asociación de Cans de Salvamento de Galicia (CA.SA.GA), Aureliano Iglesias, que recalcou que esta xuntanza permite mellorar a coordinación con Protección Civil e os Bombeiros, que tamén participarán na mesma.

24 equipos de toda Galicia

Un total de 24 equipos, formado cada un polo binomio guía-can, procedentes de Galicia e diferentes cidades de España e Portugal, daranse cita esta fin de semana no encontro. Así, os tres equipos ferroláns competirán, entre outros, con guías e cans de Madrid, da Unidade Militar de Emerxencia (UME), a comarca de O Salnés, Carballo, Lisboa, e Vizcaya. A recepción aos equipos terá lugar pasadomañá venres ás 19:00 horas no Hotel Almirante. As probas de adestramento, que consistirán no rescate de persoas nunha situación de derrube, desenvolveranse ao día seguinte e terán como escenario as instalacións do porto exterior, en horario de mañá, e a parcela do Sánchez Aguilera, pola tarde.

O concelleiro Pablo Cal destacou a importancia desta segunda edición do Encontro Internacional de Cans de Rescate para “coñecer e intercambiar experiencias, e tamén traballar na coordinación de diferentes servizos de seguridade”. Pola súa banda, o representante da Asociación de Cans de Salvamento de Galicia (CA.SA.GA), Aureliano Iglesias, explicou que a xornada do domingo terán lugar diferentes adestramentos na zona de Covas.

 

 

 

Lea también

Ferrol en Común insta a un acordo inmediato co consorcio polo servizo de incendios

Ferrol en Común considera «inadmisible que sabendo a data concreta de vencemento do actual convenio, …